धरानमा थप दुई सङ्क्रमितको मृत्यु
<p style="text-align: justify;">धरान। बिपी कोइराला स्वास्थ्य विज्ञान प्रतिष्ठानमा दुई काेराेना सङ्क्रमितको आज मृत्यु भएको छ।</p>
<p style="text-align: justify;">झापा, शिवगढी-११ का ५७ वर्षीय र सुनसरी, धरान-१५ का ६५ वर्षीय पुरुषको आधाआधा घण्टाका फरकमा मृत्यु भएको हो। </p>
<p style="text-align: justify;">सुनसरीका पुरुषको बिहान ७ः१५ र झापाका पुरुषको ७ः४६ बजे मृत्यु भएको प्रतिष्ठानका सहप्रवक्ता डा. आशिष श्रेष्ठले जानकारी दिए। </p>
<p style="text-align: justify;">झापाका बिरामीलाई आज मात्र प्रतिष्ठानको कोभिड अस्पतालमा ल्याइएको थियो। </p>
<p style="text-align: justify;">सुनसरीका बिरामीलाई गत असोज २८ गते कोभिड भई २९ गते अस्पताल भर्ना गरिएको थियो।</p>
<p style="text-align: justify;">उनको पेटको समस्या भई भर्खर शल्यक्रिया गरिएको प्रतिष्ठानले जनाएको छ।</p>
<p style="text-align: justify;">यससँगै प्रतिष्ठानमा मृत्यु हुनेको सङ्ख्या ६१ पुगेको छ। <em>रासस</em></p>
.jpg)
