विश्वमा कोभिड-१९ को नयाँ रेकर्ड: एकैदिन चार लाखभन्दा बढी संक्रमित थपिए
<p>काठमाडौं। विश्वमा एकैदिन चार लाख १२ हजार ९०५ जना काेराेना संक्रमित थपिएका छन्। यो अहिलेसम्मकै धेरै हो। </p>
<p>योसँगै हालसम्म संक्रमितको संख्या तीन करोड ९५ लाख ६५ हजार ९४८ पुगेको छ।</p>
<p>कोभिड-१९ बाट विश्वमा मृत्यु हुनेको संख्या ११ लाख ८ हजार ६१७ पुगेको छ। </p>
<p>पछिल्लाे २४ घण्टामा थप ६ हजार १८५ जनाकाे मृत्यु भएकाे हाे। </p>
<p>वर्ल्डोमिटर्सका अनुसार हालसम्म दुई करोड ९६ लाख ४८ हजार ९१५ जना संक्रमणमुक्त भएका छन्।</p>
<p>विश्वमा सक्रिय संक्रमितको संख्या ८८ लाख ८ हजार ४१६ छ। त्यसमध्ये ७१ हजार ४३५ जना गम्भीर अवस्थाका छन्। </p>
<p>सबैभन्दा बढी प्रभावित देश अमेरिकामा संक्रमितको संख्या ८२ लाख ८८ हजार २७८ पुगेको छ। </p>
<p>भारतमा संक्रमितको संख्या ७४ लाख ३० हजार ६३५ पुगेको छ भने ब्राजिलमा ५२ लाख एक हजार ५७० छ। </p>
प्रतिक्रिया दिनुहोस्
.jpg)
