सप्तरीमा कोरोना सङ्क्रमित महिलाको मृत्यु
<p>सप्तरी। यहाँ आज थप एक कोरोना सङ्क्रमितको मृत्यु भएको छ। </p>
<p>कोरोना सङ्क्रमणबाट डाक्नेश्वरी नगरपालिका-७ ललितपुर पुर्ख्याैली घर भई हाल राजविराज नगरपालिका- ६ सिरहा रोडमा बसेकी ६७ वर्षीया महिलाको मृत्यु भएको राजविराज नगरपालिका-६ का वडाध्यक्ष प्रेम यादवले बताए।</p>
<p>पछिल्लो एक महिनादेखि ज्वरो लागेको उनको स्वाब परीक्षण गर्दा गत मङ्गलबार कोरोना सङ्क्रमण पुष्टि भएको थियो।</p>
<p>होम आइसोलेसनमा बस्दै आएकी उनलाई आज बिहान श्वासप्रश्वासमा समस्या देखिएपछि राजविराजस्थित छिन्नमस्ता अस्पताल भर्ना गरिएको थियो। याे समेत सप्तरीमा कोरोनाबाट तीन महिलासहित २१ जनाको मृत्यु भएको छ। <em>रासस</em><br />
</p>
प्रतिक्रिया दिनुहोस्
.jpg)
