विश्वमा कोभिड-१९: दुई करोड ८० लाखभन्दा बढी संक्रमणमुक्त
<p>काठमाडौं। विश्वमा कोरोना संक्रमितको संख्या तीन करोड ७४ लाख ५० हजार १४३ पुगेको छ। </p>
<p>पछिल्लो २४ घण्टामा तीन लाख ५१ हजार ८२२ संक्रमित थपिएका हुन्। </p>
<p>कोभिड-१९ बाट विश्वमा मृत्यु हुनेको संख्या १० लाख ७७ हजार २१८ पुगेको छ। </p>
<p>पछिल्लाे २४ घण्टामा थप पाँच हजार २ जनाकाे मृत्यु भएकाे हाे। </p>
<p>वर्ल्डोमिटर्सका अनुसार हालसम्म दुई करोड ८० लाख ९७ हजार ७९७ जना संक्रमणमुक्त भएका छन्।</p>
<p>विश्वमा सक्रिय संक्रमितको संख्या ८२ लाख ७५ हजार १२८ छ। त्यसमध्ये ६८ हजार ६९८ जना गम्भीर अवस्थाका छन्। </p>
<p>सबैभन्दा बढी प्रभावित देश अमेरिकामा संक्रमितको संख्या ७९ लाख ४४ हजार ९४० पुगेको छ। </p>
<p>भारतमा संक्रमितको संख्या ७० लाख ५१ हजार ५४३ पुगेको छ भने ब्राजिलमा ५० लाख ९१ हजार ८४० छ। </p>
प्रतिक्रिया दिनुहोस्
.jpg)
