तनहुँ कारागारमा आइसोलेसन कक्ष निर्माण
<p style="text-align: justify;">तनहुँ। तनहुँ सदरमुकाम दमौलीस्थित जिल्ला कारागारमा १५ शय्याको आइसोलेशन कक्ष निर्माण गरिएको छ। </p>
<p style="text-align: justify;">कारागारको पुरानो भवनमा आइसोलेसन कक्ष निर्माण गरिएको कारागार प्रशासनले जनाएको छ। </p>
<p style="text-align: justify;">कोरोना भाइरस संक्रमणको जोखिमलाई ध्यान दिएर कारागारभित्रै आइसोलेसन निर्माण गरिएको कारागारका सूचना अधिकारी नारायणप्रसाद अधिकारीले बताए। </p>
<p style="text-align: justify;">पुरानो भवनको दुई कोठालाई हालै आइसोलेसन निर्माण गरिएको छ। उनले भने, “आइसोलेसन निर्माणपश्चात सुरक्षाका दृष्टिले पनि सहज भएको छ।” </p>
<p style="text-align: justify;">२५ जना क्षमताको सो कारागारमा हाल १३२ कैदी र ६४ जना थुनुवा गरी १९६ कैदीबन्दी रहेका छन्। कारागार परिसरमा तीन भवन निर्माणपछि कैदीबन्दीलाई सजिलो भएको छ। </p>
<p style="text-align: justify;">पुरानो भवनमा १०७ जना र अन्यलाई नयाँ भवनमा स्थानान्तरण गरिएपछि कैदीबन्दीलाई अहिले खान-बस्न, सुत्न र शौचालय प्रयोगमा सहज भएको छ। </p>
<p style="text-align: justify;">कारागार परिसरमा निर्माण गरिएको कार्यालय भवन, सुरक्षा ब्यारेक र बन्दीगृह गरी तीन वटा भवन भ्याटबाहेक ६ करोड ४४ लाखको लागतमा निर्माण गरिएको हो । </p>
<p style="text-align: justify;">नयाँ भवन निर्माणपछि ८० जनाभन्दा बढी कैदीबन्दी राख्न सकिने क्षमताको बन्दीगृह रहेको कारागार प्रशासनले जनाएको छ। <em>रासस</em></p>
.jpg)
