Health and Lifestyle

गृहपृष्ठ

धरानमा थप एक कोरोना सङ्क्रमितको मृत्यु धरान। बिपी कोइराला स्वास्थ्य विज्ञान प्रतिष्ठानको कोभिड-१९ अस्पतालमा उपचारत एक सङ्क्रमितको आज बिहान मृत्यु भएको छ। धरान-१५ का ५५ वर्षीय पुरुषको बिहान ६ः४५ बजे मृत्यु भएको हो।  प्रतिष्ठानका सहप्रवक्ता डा. आशिष श्रेष्ठका अनुसार मिर्गौलासम्बन्धी रोग भएका उनलाई कोरोना अस्पतालमा यही असोज १६ गते भर्ना गरिएको थियो । उनको सोही दिन स्वाब परीक्षण गर्दा कोरोना पोजिटिभ भएको डा. श्रेष्ठले जानकारी दिए। यससँगै धरानमा कोरोनाबाट मृत्यु हुनेको सङ्ख्या ९ पुगेको छ। प्रतिष्ठानमा उपचारका क्रममा मृत्यु हुनेको सङ्ख्या भने ४० पुगेको प्रतिष्ठानले जनाएको छ।

प्रतिक्रिया दिनुहोस्