अनसन छोड्न गोविन्द केसीलाई निश्चल बस्नेतको आग्रह
<p>काठमाडौं। स्वास्थ्य शिक्षाको सुधार लगायतका माग गर्दै अनसन बसेका डा. गोविन्द केसीलाई चलचित्र निर्देशक तथा अभिनेता निश्चल बस्नेतले अनसन छोडिदिन आग्रह गरेका छन्।</p>
<p>केसीको माग सुनुवाई नहुने भन्दै बस्नेतले सामाजिक सञ्जाल फेसबुकमार्फत अनसन छोडिदिन आग्रह गरेका हुन्। </p>
<p>उनले लेखेका छन्, "डा. साब विन्ति छ सत्याग्रह, अनसन छोडिदिनुस्, बुझ्नेलाई सुन्न मन छैन्, सुन्नेलाई बुझ्न मन छैन आज हाम्रो नेपालमा!"</p>
<p>चिकित्सा शिक्षा सुधारका विभिन्न माग राख्दै डा. केसी भदौ २९ गते जुम्लामा अनशन बसेका थिए। स्वास्थ्य अवस्था गम्भीर बन्न थालेपछि उनलाई सोमबार जुम्लाबाट नेपालगञ्ज ल्याइएको थियो।</p>
<p>नेपालगञ्जबाट हिजो मात्र काठमाडौं ल्याइएको थियो। त्रिवि शिक्षण अस्पतालमा उपचारका लागि जाने र त्यही अनसन बस्ने डा. केसीको अडान थियो।</p>
<p>तर, प्रहरीले शिक्षण अस्पतालमा कोरोना भाइरसको संक्रमण खतरा रहेको भन्दै उनलाई वीर अस्पतालस्थित ट्रमा सेन्टरमा लगेको थियो। </p>
<p>लगत्तै केही समयमा शिक्षण अस्पताल गएका डा. केसीको अहिले शिक्षण अस्पतालमै उपचार भइरहेको छ।</p>
प्रतिक्रिया दिनुहोस्
.jpg)
