‘सत्याग्राहीलाई इच्छा विपरित छुन पनि पाईदैन’
<p>काठमाडौं। प्रहरीले सत्याग्रही डा. गोविन्द केसीलाई आज जबरजस्ती त्रिभुवन विमानस्थलबाट ट्रमा सेन्टरमा लगेको घटनालाई लिएर विभिन्न दलका नेताले आपत्ति जनाएका छन्। उनीहरुले सरकारले निरंकुश चरित्र प्रदर्शन गरेको आरोप समेत लगाएका छन्।</p>
<p>“डा.केसीका जनपक्षीय माग पूरा गर्न नसके कमसेकम सत्याग्रहीलाई सम्मान गर्न त सिक। स्वास्थ्य क्षेत्रको सुधारनिम्ति डा.केसीले मात्र लड्नुपर्ने स्थितिको अन्त्य गरौं,” पूर्व प्रधानमन्त्री तथा जनता समाजवादी पार्टी, नेपालका नेता बाबुराम भट्टराईले ट्वीटर मार्फत भनेका छन्।</p>
<p>नेपाली कांग्रेसका नेता गगन थापाले सत्याग्रही माथिको दुव्र्यवहार क्रुरताको पराकाष्टा भएको जनाएका छन्। </p>
<p>“सत्याग्राहीलाई इच्छा विपरित छुन पनि पाईदैन। तर अनशनरत डा. गोविन्द केसीमाथि सरकारले गरेको अपमानजनक व्यवहार लोकतन्त्रमा अकल्पनीय र अक्षम्य छ,” थापाले ट्वीटरमा लेखेका छन्। क्रुर तानशाहले मात्र यस्तो निन्दनीय कृत्य गर्नसक्ने उनले बताएका छन्। </p>
<p>विवेकशील नेपाली पार्टीका नेता मिलन पाण्डेले सरकारले डा. केसीलाई गरेको व्यवहारलाई लिएर आफू लज्जित भएको बताएका छन्। </p>
<p>“यो सरकारले डा. केसीलाई गरेको व्यवहार प्रति आज लज्जित छु। के राज्यले एउटा महान् सत्याग्राहीलाई गर्ने व्यवहार यही हो?,” पाण्डेले ट्वीटरमा भनेका छन्।</p>
प्रतिक्रिया दिनुहोस्
.jpg)
