यी सात जिल्लामा छैनन् सक्रिय कोरोना संक्रमित
<p>काठमाडौं। विश्वलाई नै आक्रान्त पारेको कोरोना भाइरसको महामारीबाट अछुतो रहने देश बिरलै छन्।</p>
<p>सुरुआतमा पूर्ण शतर्कता अपनाए पनि छिमेकी मुलुक भारतसँगको खुला सिमानाका कारण नेपालका पनि प्राय सबै जिल्लामा कोरोना भाइरसको संक्रमण फैलिएको छ।</p>
<p>तर, अहिले देशभर ७ हजार ४७८ जना सक्रिय संक्रमित भए पनि सात वटा जिल्ला कोरोना भाइरसमुक्त भएका छन्। स्वास्थ्य तथा जनसंख्या मन्त्रालयले दिएको जानकारीअनुसार सोलुखुम्बु, रसुवा, मुस्ताङ, डोल्पा, मुगु र हुम्लामा अहिले कोरोना संक्रमित छैनन्।</p>
<p>यसअघि सोलुखुम्बुमा १२ जनामा संक्रमण देखिएको थियो। त्यस्तै रसुवामा १८, मुस्ताङमा ४, डोल्पामा ६, हुम्लामा ५ र मुगुमा १३ जनामा सक्रमण देखिएको थियो।</p>
<p>तर, अहिले यी सात जिल्ला संक्रमण मुक्त छन्।</p>
प्रतिक्रिया दिनुहोस्
.jpg)
