कोरोनाबाट थप १० जनाको मृत्यु
<p>काठमाडौं। विश्वभर फैलिएको कोरोना भाइरसको महामारीबाट नेपालमा पनि ४११ जनाको मृत्यु भइसकेको छ।</p>
<p>स्वास्थ्य तथा जनसंख्या मन्त्रालयले दिएको जानकारीअनुसार हालसम्म देशभर ६४ हजार १२२ जनामा संक्रमण देखिएको छ। जसमध्ये ४६ हजार २३३ जनाले कोरोनालाई पराजित गरेका छन्।</p>
<p>त्यस्तै १७ हजार ४७८ जना अहिले उपचाररत छन्। र, बाँकी ४११ जनाले कोरोना भाइरसकै कारण ज्यान गुमाएका छन्।</p>
<p>मन्त्रालयका अनुसार गत २४ घण्टामा मात्रै ६ जना महिला र ४ जना पुरुष गरी १० जनाको मृत्यु भइसकेको छ।</p>
<p>यसरी मृत्यु हुने महिलामा काठमाडौंकी ४०, ६०, ६३ र ललितपुरकी ७५, भक्तपुरकी ७२ र पाल्पाकी ४० वर्षीया छन्।</p>
<p>त्यस्तै धनुषाका ७६, काठमाडौंका ८२, चितवनका ८० र रूपन्देहीका ६७ वर्षीय पुरुषको पछिल्लो २४ घण्टाभित्र मृत्यु भएको छ।</p>
प्रतिक्रिया दिनुहोस्
.jpg)
