नेपालमा कोरोनाबाट मृत्यु हुनेको संख्या ४०० नाघ्यो
<p>काठमाडौं। विश्वभर लाखौंको ज्यान लिइसकेको कोरोना भाइरसकै कारण नेपालमा पनि ज्यान गुमाउनेको संख्या ४०० नाघेको छ।</p>
<p>स्वास्थ्य तथा जनसंख्या मन्त्रालयले दिएको जानकारीअनुसार गत २४ घण्टामा थप ११ जनाको मृत्यु भएसँगै कूल मृतकको संख्या ४०१ पुगेको छ।</p>
<p>गत २४ घण्टामा ७ जना महिला र ४ जना पुरुषको मृत्यु भएको मन्त्रालयका प्रवक्ता जागेश्वर गौतमले जानकारी दिए।</p>
<p>यसरी मृत्यु हुनेमा मोरङकी ६५ वर्षीया, रौतहटकी ५१ , सर्लाहीकी ५६, ललितपुरकी ७६ र ६८ , काठमाडौंकी ७७ र मकवानपुरकी ३७ वर्षीया महिला छन्।</p>
<p>त्यस्तै ललितपुरका ६० वर्षीय, काठमाडौंका ७५, रूपन्देहीका ६९ र बाँकेका ४५ वर्षीय पुरुष छन्।</p>
प्रतिक्रिया दिनुहोस्
.jpg)
