म्याग्दीमा एक जना पनि छैनन् कोरोना संक्रमित
<p>काठमाडौं। म्याग्दी कोरोना सङ्क्रमणमुक्त जिल्ला बनेको छ। जिल्लाको क्वारेन्टिन र आइसोलेसनबाट १७ जना कोरोना सङ्क्रमित निको भएर घर फर्किएपछि म्याग्दी कोरोना सङ्क्रमणमुक्त जिल्ला बनेको म्याग्दीका प्रमुख जिल्ला अधिकारी उमाकान्त अधिकारीले जानकारी दिए।</p>
<p>एक महिनाअघि पनि म्याग्दी कोराना सङ्क्रमणमुक्त जिल्ला बनेको थियो। तर, सरुवा भएर आएका एक जना प्रहरीमा कोरोना सङ्क्रमण देखिएपछि म्याग्दीमा पुन: कोरोना सङ्क्रमणयुक्त जिल्ला भएको थियो।</p>
<p>सङ्क्रमित प्रहरीको पिसिआर परीक्षणको नतिजा बुधवार नेगेटिभ आएपछि म्याग्दी पुन: कोरोना सङ्क्रमणमुक्त जिल्ला बनेको छ।</p>
<p>प्रजिअ अधिकारीका अनुसार आइसोलेसनमा रहेका एक मात्र सङ्क्रमित प्रहरी जवानको पनि पिसिआर रिपोर्ट नेगेटिभ आएकाले यो जिल्ला कोरोना सङ्क्रमणमुक्त भएको हो।</p>
<p>समुदायस्तरमा सङ्क्रमण फैलिन नदिन म्याग्दीमा उच्च सर्तकता अपनाइएको छ।</p>
<p>रासस</p>
प्रतिक्रिया दिनुहोस्
.jpg)
