भोलिदेखि सार्वजनिक यातायात सञ्चालन गर्ने निर्णयको व्यवसायी र मजदुरले स्वागत
<p>काठमाडौं। यातायात व्यवसायी राष्ट्रिय महासंघ र यातायात मजदुरहरुले असोज १ गतेदेखि सार्वजनिक यातायात चलाउन दिने सरकारी निर्णयको स्वागत गरेका छन्।</p>
<p>नेपाल यातायात व्यवसायी राष्ट्रिय महासंघ, यातायात स्वतन्त्र मजदुर संगठन, अखिल नेपाल यातायात मजदुर संघ र नेपाल यातायात मजदुर संघले सरकारी निर्णयको स्वागत गरेका हुन्।</p>
<p>महासंघ र तीनवटा ट्रेड युनियनहरुले आज संयुक्त विज्ञप्ती निकाल्दै सरकारी निर्णयको स्वागत गर्दै स्वास्थ सुरक्षाको मापदण्ड पालना गरेर व्यवसाय सञ्चालन गर्ने प्रतिबद्धता जनाएका छन्।</p>
<p>सरकारले भदौ २९ गते बसेको मन्त्रीपरिषद्को बैठकले चैत ११ देखि भदौ ३१ गतेसमम बन्द सार्वजनिक यातायात असोज १ देशभर सञ्चालन गर्ने निर्णय गरेको थियो।</p>
<p><strong>सार्वजनिक यातायात सञ्चालन गर्दा अपनाउनुपर्ने मापदण्ड के-के हुन् ?</strong></p>
<ul>
<li>श्रमिकहरू चालक, सहचालक, परिचालक र टिकट बुकिङ कर्मचारीले मास्क, स्यानिटाइजर पन्जा लगायतका स्वास्थ सुरक्षाका उपकरण अनिवार्य प्रयोग गर्नुपर्ने। </li>
<li>सवारीको सिट क्षमताको पचास प्रतिशत मात्रै यात्रुहरु राखी सरकारले तोकेअनुसार साविक भाडा दरमा ५० प्रतिशत थप भाडा लिएर यात्रा गराउनु पर्ने।</li>
<li>यात्रुहरुले यात्रा अवधिभर माक्स लगाएर यात्रा गर्नुपर्नेछ, सवारी साधन चढ्दा भौतिक दूरी कायम गर्नुपर्ने र खाना/खाजा खाने समयमा भिडभाड गर्ननहुने।</li>
<li>सवारी साधानमा चढ्नुअघि यात्रुलाई स्यानिटाइजरको व्यवस्था गर्नु पर्ने।</li>
<li>कोराना बीमा गर्न बाकी रहेका सम्पूर्ण यातायात श्रमिकहरुको तत्काल बीमा गराउनुपर्ने।</li>
</ul>
प्रतिक्रिया दिनुहोस्
.jpg)
