अक्सफाेर्डले कोरोना भ्याक्सिनको ट्रायल पुनः सुरु गर्ने
<p>काठमाडाैं। अक्सफोर्ड युनिभर्सिटी र एस्ट्राजेनेकाले बनाइरहेको कोभिड-१९ भ्याक्सिनको ट्रायल (परीक्षण) पुनः सुरु गरिने भएको छ।</p>
<p>यसअघि बेलायतमा एक बिरामीमा यो भ्याक्सिन परीक्षण गर्दा ‘साइड इफेक्ट’ भएपछि परीक्षण स्थगित गरिएको थियो। </p>
<p>परीक्षण रोकेर गत शुक्रबार भ्याक्सिनले के कारण साइड इफेक्ट गर्‍याे भन्नेबारे जाँच गरिएको एस्ट्राजेनेकाले जनाएको छ।</p>
<p>जाँच गरेपछि युनिभर्सिटीले शनिबार भ्याक्सिनको परीक्षण जारी राख्नुपर्ने जनाएको थियो। स्वास्थ्य सचिव मैट हैनकाकले परीक्षण पुनः सुरु गर्न लागेको खबरको स्वागत गरेका छन्। </p>
<p>“परीक्षण रोक्ने निर्णयले हामीले सुरक्षालाई कति प्राथमिकता दिएका छौं भन्ने देखाउँछ। सुरक्षा सुनिश्चित गरेर हाम्रा वैज्ञानिकले छिट्टै प्रभावकारी भ्याक्सिनमा काम सुरु गर्नेछन्,” हैनकाकले भने।</p>
<p>भ्याक्सिन परीक्षण गर्दा केहीको स्वास्थ्य अवस्था बिग्रन सक्ने सम्भावनाको पहिल्यै अनुमान गरिएको युनिभर्सिटीले जनाएको छ। </p>
<p>विश्व स्वास्थ्य संगठनले विश्वमा अहिले कोरोनाका १८० भ्याक्सिनको परीक्षण चलिरहेको छ तर कुनैको पनि पूरा परीक्षण हुन पाएको छैन। <em>बीबीसी</em></p>
प्रतिक्रिया दिनुहोस्
.jpg)
