गण्डकी प्रदेश : काेभिड-१९ बाट मृत्यु हुनेकाे संख्या २३ पुग्याे
<p>पाेखरा। पोखरामा उपचारको क्रममा एक कोरोना सङ्क्रमितको मृत्यु भएको छ।</p>
<p>यही भदौ २४ गते पोखरा स्वास्थ्य विज्ञान प्रतिष्ठान अन्तर्गतको पश्चिमाञ्चल क्षेत्रीय अस्पताल कोभिड-१९ उपचार केन्द्रमा भर्ना भई सघन उपचार कक्षमा उपचाररत स्याङ्जा पुतलीबजार नगरपालिका-१ का ८५ वर्षीय पुरुषको आज बिहान मृत्यु भएको प्रतिष्ठानका निर्देशक सहप्राध्यापक डा. अर्जुन आचार्यले जानकारी दिए। </p>
<p>सो अस्पतालमा हालसम्म उपचारका क्रममा १० जना सङ्क्रमितको मृत्यु भएको जनाइएको छ।</p>
<p>यससँगै गण्डकी प्रदेशमा कोरोनाबाट मृत्यु हुनेको सङ्ख्या २३ पुगेको छ।</p>
<p>प्रदेशमा दुई हजार ८२० सङ्क्रमित भएकामा एक हजार ८४९ निको भएका छन्। <em>रासस</em></p>
प्रतिक्रिया दिनुहोस्
.jpg)
