कोरोनाबाट पोखरामा एक महिलाको मृत्यु
<p>काठमाडौं। कोरोना भाइरस(कोभिड-१९) को सङ्क्रमणका कारण आज पोखरामा एक महिलाको मृत्यु भएको छ।</p>
<p>पोखरा महानगरपालिका वडा नं १० की ७३ वर्षीया महिलाको कोरोना भाइरसको सङ्क्रमण भई पश्चिमाञ्चल क्षेत्रीय अस्पतालको कोभिड-१९ उपचार केन्द्रको आइसियुमा उपचारका क्रममा मृत्यु भएको अस्पतालका निर्देशक प्रा.डा.अर्जुन आचार्यले जानकारी दिए।</p>
<p>उनका अनुसार ती महिलाको दिउँसो मृत्यु भएको हो। यो अस्पतालमा कोरोना सङ्क्रमण भई मृत्यु हुनेमा ती महिला नवौं व्यक्ति रहेको अस्पतालले जनाएको छ।</p>
<p>अहिलेसम्म गण्डकी प्रदेशमा कोरोना भाइरस सङ्क्रमणका कारण २१ जनाको मृत्यु भइसकेको छ।</p>
<p>रासस</p>
प्रतिक्रिया दिनुहोस्
.jpg)
