भारतमा एकैदिन ७५ हजारभन्दा बढीमा संक्रमण, ११ सयको मृत्यु
<p>काठमाडौं। भारतमा पछिल्लो २४ घण्टाभित्र ७५ हजार २२ जना कोरोना भाइरसका नयाँ संक्रमित थपिएका छन्। सोही अवधिमा त्यहाँ एक हजार १२९ जनाले संक्रमितले ज्यान गुमाएका छन्।</p>
<p>वर्ल्डोमिटर्सको तथ्यांकअनुसार भारतमा कूल संक्रमितको संख्या ४२ लाख ७७ हजार ५८४ पुगेको छ। त्यहाँ हालसम्म कोरानाका कारण ७२ हजार ८१६ जनाले ज्यान गुमाइसकेका छन्।</p>
<p>भारतमा सक्रिय संक्रमितको संख्या आठ लाख ८३ हजार ३४८ रहेको छ। हालसम्म ३३ लाख २१ हजार ४२० जना उपचारपछि निको भएको तथ्यांक छ।</p>
<p>भारतमा सोमबार हालसम्मकै धेरै ९१ हजारभन्दा बढीमा संक्रमण पुष्टि भएको थियो। आज उक्त संख्या करिब १६ हजारले घटेको हो। </p>
<p>पछिल्लो तथ्यांकअनुसार विश्वमा कोरोना संक्रमितको संख्या दुई करोड ७४ लाख ७६ हजार ९२० पुगेको छ। हाल सक्रिय संक्रमितको संख्या ७० लाख १० हजार ५५३ रहेको छ।</p>
प्रतिक्रिया दिनुहोस्
.jpg)
