कोरोना भाइरसका कारण थप ९ जनाको मृत्यु
<p>काठमाडाैं। कोरोना भाइरसका कारण गत २४ घण्टामा नेपालमा ९ जनाको मृत्यु भएको छ।</p>
<p>स्वास्थ्य तथा जनसंख्या मन्त्रालयले दिएको जानकारी अनुसार दुई महिला र सात जना पुरुष गरी नाै जनाको मृत्यु भएको हो।</p>
<p>यसरी मृत्यु हुनेमा झापा र मोरङका ६४ र ४५ वर्षीया महिला रहेका छन्। त्यस्तै पुरुषमा मोरङका ४५, पर्षाका ७७, धनुषाका ३५ र चितवनका ६७ वर्षीय छन्। </p>
<p>त्यस्तै ७४, ६८ र ८५ वर्षीय तीन जना काठमाडाैंका पुरुषको मृत्यु भएको स्वास्थ्य मन्त्रालयका प्रवक्ता प्राडा जागेश्वर गाैतमले जानकारी दिए।</p>
<p>योसँगै देशभर कोरोना भाइरसका कारण मृत्यु हुनेको संख्या २८९ पुगेको छ। हालसम्म नेपालमा ४६ हजार २५७ जनामा कोरोना संक्रमण पुष्टि भएको छ भने अहिले १७ हजार २७ जना सक्रिय संक्रमित छन्।</p>
प्रतिक्रिया दिनुहोस्
.jpg)
