अर्को वर्षको मध्यसम्म पनि कोरोनाको खोप सर्वसुलभ हुँदैन: डब्लुएचओ
<p>एजेन्सी। विश्व स्वास्थ्य संगठन (डब्लुएचओ)ले अर्को वर्ष सन २०२१ को मध्यसम्म पनि कोरोना भाइरसविरुद्धको खोप सर्वसुलभ रुपमा उपलब्ध नहुने बताएको छ।</p>
<p>कोरोना भाइरसको विश्वव्यापी महामारीलाई नियन्त्रणमा लिने उद्देश्यका साथ १ सय ५० भन्दा बढि देशहरु अहिले दिनरात यसविरुद्धको खोप विकासका लागि जुटेका छन्। तर डब्लुएचओका प्रवक्ता मार्गरेट ह्यारिसले सुरक्षित खोपका लागि बढि भन्दा बढि परिक्षण गराउनुपर्नेमा जोड दिए।</p>
<p>ह्यारिसका अनुसार बन्दै गरेका खोपमध्ये कुनै पनि अहिलेसम्म क्लिनिकल परिक्षणमा असाधारण र प्रभावकारी देखिएका छैनन्। अहिलेसम्मका परिक्षणमा कुनै पनि खोप ५० प्रतिसत पनि प्रभावकारी साबित नभएको ह्यारिसले दाबी गरे। </p>
<p>रुसले मानव परिक्षणको दुई महिनाभन्दा पनि कम समयको नतिजाको भरमा अगस्टमा कोरोना भाइरसविरुद्धको खोपलाई स्विकृति प्रदान गरेको थियो। </p>
<p>रुसी सरकारले कोरोना भाइरसविरुद्ध विश्वको पहिलो खोपका रुपमा स्पुतनिक भीलाई मान्यता दिएपनि पश्चिमी देशका विज्ञहरुले भने यसको सुरक्षा र प्रभावकारितामाथि प्रश्न उठाइरहेका छन्।</p>
<p>यसैबीच अमेरिकाका सार्वजनिक स्वास्थ्य अधिकारीहरुले अक्टोबरको अन्त्यसम्ममा वितरणका लागि खोप तयार भइसक्ने बताएका छन्। नोभेम्बर ३ मा हुने अमेरिकी निर्वाचनअघि नै खोप सार्वजनिक गरिसक्ने अमेरिकी प्रशासनको तयारी छ।</p>
प्रतिक्रिया दिनुहोस्
.jpg)
