चीन भन्छ: ब्रिक्स मिलौं र कोरोनाविरुद्ध लडौं
<p>काठमाडौं। चिनियाँ विदेशमन्त्री वाङ यीले शुक्रबार ब्रिक्स मुलुकहरु मिलेर कोभिड-१९ विरुद्ध लड्नुपर्ने बताएका छन्।</p>
<p>भिडियो कन्फरेन्सका माध्यमबाट उनले ब्रिक्सका विदेशमन्त्रीहरुको बैठकलाई सम्बोधन गर्दै यस्तो आह्वान गरेका हुन्। बैठकको अध्यक्षता रुसका विदेशमन्त्री सेर्गेई लाभारोभले गरेका थिए।</p>
<p>बैठकमा भारतका विदेशमन्त्री एस जयशंकर, दक्षिण अफ्रिकाका अन्तर्राष्ट्रिय मामिला एवम् सहयोग मन्त्री नलेडी पन्डोर तथा ब्राजिलका विदेशमन्त्री अर्नेस्टो अराउजो सहभागी थिए।</p>
<p>वाङले भने, ‘‘ब्रिक्स मुलुकहरु एकसाथ भएर कोरोना महामारीबाट उत्पन्न चुनौतीको सामना गर्नुपर्छ र संयुक्त रुपमा वैश्विक अर्थव्यवस्थालाई उकास्न प्रयास गर्नुपर्छ।’’</p>
<p>ब्रिक्स मुलुकहरुमा चीनलगायत भारत, रुस, दक्षिण अफ्रिका, ब्राजिल रहेका छन्। उदाउँदा अर्थतन्त्र भएका मुलुक मिलेर २००९ मा गठन गरेको ब्रिक्सले आपसी सहयोगका लागि मिलेर अघि बढ्ने प्रतिवद्धता जनाएका छन्।</p>
<p>(एजेन्सी)</p>
प्रतिक्रिया दिनुहोस्
.jpg)
