ब्राजिलमा कोरोना सङ्क्रमित करिब ४१ लाख
<p>एजेन्सी। ब्राजिलमा कोभिड १९ का सङ्क्रमितहरुको संख्या करिब ४१ लाख पुगेको छ। शुक्रबारसम्मको तथ्यांकअनुसार यहाँका ४० लाख ९१ हजार ८०१ जना संक्रमित भेटिएका छन्।</p>
<p>गएको २४ घन्टाभित्र शुक्रबार ब्राजिलमा ५० हजार १६३ जना सङ्क्रमित भेटिएको स्वास्थ्य मन्त्रालयले जानकारी दिएको हो।</p>
<p>उक्त मन्त्रालयकाअनुसार कोरोना भाइरस संक्रमणबाट ब्राजिलमा १ लाख २५ हजारभन्दा बढीको ज्यान गएको छ। शुक्रबार मात्र ८८८ जनाको ज्यान गएको थियो।</p>
<p>कोरोना भााइरसबाट सबैभन्दा बढी सङ्क्रमित हुनेमा ब्राजिल अमेरिकापछिको दोस्रो देश हो। अमेरिकामा ६३ लाखभन्दा बढी मानिस संक्रमित भएका छन्।</p>
<p>अहिलेसम्म विश्वमा यो संक्रमणबाट २ करोड ६७ लाख मानिस संक्रमित भएका छन् भने ८ लाख ७९ हजारभन्दा बढीको ज्यान गएको छ।</p>
प्रतिक्रिया दिनुहोस्
.jpg)
