ट्राभल हिस्ट्री नभएका व्यक्तिमा पीसीआर परीक्षणको दायरा बढाइयो
<p>कैलाली। धनगढी उपमहानगरपालिका क्षेत्रमा ट्राभल हिस्ट्री नभएका व्यक्तिमा कोरोना संक्रमण देखिएसँगै पीसीआर परीक्षणको दायरा बढाइएको छ।</p>
<p>धनगढी उपमहानगरपालिकाले बिहीबार धनगढीस्थित टिम्वर कर्पोरेशन अगाडी र बेली नगर प्रवर्द्धन केन्द्रमा स्वाव संकलन लिने काम गरेको छ।</p>
<p>उपमहानगरपालिका स्वास्थ्य शाखा प्रमुख डाक्टर खगेन्द्र बमका अनुसार बिहीबार वडा नं ७ मा रहेको नगरस्वास्थ्य प्रबर्द्धन केन्द्रमा ६५ जनाको पीसीआर परीक्षणका लागि स्वाव संकलन गरिएको बताए।</p>
<p><img alt="" height="369" src="https://scontent.fpkr1-1.fna.fbcdn.net/v/t1.15752-9/118710642_316762853082243_2346085968045178362_n.jpg?_nc_cat=103&_nc_sid=ae9488&_nc_ohc=iN0L1KZrH98AX8-KBTe&_nc_ht=scontent.fpkr1-1.fna&oh=03c68c2ddc184e270acbf5742e1c4e2b&oe=5F767802" width="800" /></p>
<p>त्यस्तै वडा नं १ स्थित टिम्वर कर्पोरेशन अगाडी ७० जनाको स्वाव संकलन गरिएको स्वास्थ्य शाखा प्रमुख बमले बताए।</p>
<p>उपमहानगरपालिकाका अहेव दीपक सुनारले स्वाव दिनेहरुमा संक्रमित भेटिएका परिवारका सदस्य, प्रत्यक्ष सम्पर्कमा आएका व्यक्तिहरु नै बढी भएको बताए। समुदायमा संक्रमण देखिएकाले जाँचको दायरा बढाइएको बताइएको छ।</p>
<p>धनगढी उपमहानगरपालिकामा अहिले सम्म २ हजार ६ सय ६८ जनाको पीसीआर परीक्षण गरिएकोमा २ सय ५८ जनामा संक्रमण भेटिएको छ।</p>
<p>बिहीबार स्वाव संकलन गरिएका १ सय ३५ जनाको पीसीआर परीक्षणको रिपोर्ट भने आइसकेको छैन।</p>
प्रतिक्रिया दिनुहोस्
.jpg)
