सेती अस्पतालमा २५०० मै पीसीआर परीक्षण
<p>धनगढी। सेती अस्पतालमा दुई हजार ५०० मै पीसीआर परीक्षण हुने भएको छ। स्वास्थ्य तथा जनसंख्या मन्त्रालयले तोकेको शुल्क भन्दा आधा सस्तोमा पीसीआर परीक्षण हुन लागेको हो। स्वास्थ्य मन्त्रालयले अधिकतम ४ हजार ४०० रूपैयाँ शुल्क तोकेको छ।</p>
<p>सरकारले तोकेभन्दा बाहेकका स्ववेच्छाले सम्भावित कोरोना संक्रमण परीक्षण गराउन चाहनेले दुई हजार ५०० रूपैयाँ शुल्क तिरेर परीक्षण गराउन सक्ने अस्पतालका प्रमुख मेडिकल सुपरिन्टेन्डेण्ट डा हेमराज पाण्डेले जानकारी दिए।</p>
<p>स्वास्थ्य तथा जनसंख्या मन्त्रालय, आपतकालीन कार्य सञ्चालन केन्द्र तथा प्रदेश सरकार, सामाजिक विकास मन्त्रालयबाट प्राप्त निर्देशन र अस्पताल व्यवस्थापन समिति कार्यसम्पादन समितिको निर्णयबाट उक्त शुल्क तोकिएको उनको भनाई छ।</p>
<p>कन्ट्याक्ट ट्रेसिङ परेकाहरूको हकमा भने सरकारले नै नि:शुल्क पीसीआर परीक्षण गराउँदै आएको छ। सेती अस्पतालले भने स्वइच्छाले परीक्षण गराउनेका लागि यो व्यवस्था गरिदिएको उनको भनाई छ।</p>
<p>यसअघि काठमाडौंका निजी प्रयोगशालाले बढीमा चार हजार रूपैयाँमा पीसीआर परीक्षण गराउँदैं आएका छन्। अहिले देशभरकार सरकारी तथा निजी गरी ४७ वटा प्रयोगशालाबाट पीसीआर परीक्षण हुँदैं आएको छ।</p>
प्रतिक्रिया दिनुहोस्
.jpg)
