कारागारमा कोरोना संक्रमण बढ्यो: गृह प्रवक्ता
<p>काठमाडौं । गृह मन्त्रालयले कारागारमा स्वास्थ्य सुरक्षा सतर्कता अपनाउँदा पनि कोरोना संक्रमण बढिरहेको जनाएको छ।</p>
<p>मन्त्रालयका अनुसार हालसम्म कारागारमा रहेका ११८ जना कैदीबन्दी संक्रमित देखिएका छन्। जसमध्ये एक जनाको मृत्यु भएको छ।<br />
४९ जना निको भएका छन्।</p>
<p>र, ६९ जना उपचाररत छन्। गृह प्रवक्ता चक्रबहादुर बुढाले संक्रमण रोकथाम तथा नियन्त्रणका लागि मातहतका जिल्ला प्रशासन कार्यालयलगायत निकायलाई प्रभावकारी कदम चाल्न निर्देशन दिएको बताए। </p>
<p>कोरोना संक्रमणको लक्षण देखिएका गम्भीर खालका विरामीलाई सुविधा सम्पन्न अस्पतालहरूमा उपचारको व्यवस्था मिलाइएको पनि बताए।</p>
<p>उनका अनुसार केन्द्रीय कारागार कार्यालय जगन्ननाथदेवल सुन्धारामा रहेको घरेलु तालिम केन्द्रलाई आइसोलेसन बनाउने गरी निर्माण कार्य थाल्न, काठमाडौंको कीर्तिपुरमा रहेको आयुर्वेद अनुसन्धान तथा तालिम केन्द्रलाई तत्कालका लागि प्रयोग गर्न र कोरोना संक्रमित कैदीबन्दी निको भएर फर्केपछि छुट्टै बस्ने व्यवस्था मिलाउन पनि मातहतका निकायहरूलार्य निर्देशन दिइएको छ।</p>
प्रतिक्रिया दिनुहोस्
.jpg)
