अमेरिकाले ७ देशका १६ हजार गर्भवतीको कोरोना परीक्षण गर्ने
<p>काठमाडौं। अमेरिकाको प्रख्यात वैज्ञानिक संस्थाले सात देशका १६ हजार गर्भवती महिलामा कोरोना भाइरस संक्रमण र त्यसको प्रभावबारे अध्ययन गर्ने भएको छ।</p>
<p>नेसनल इन्स्टिच्युट अफ हेल्थ (एनआईएच)ले मंगलबार भारत, बंगलादेश, पाकिस्तान, केन्या, जाम्बिया, कंगो र ग्वाटेमालाका १६ हजार गर्भवतीमाथि अध्ययन गर्ने जनाएको हो।</p>
<p>अध्ययनका क्रममा कोरोना भाइरसबाट संक्रमित र संक्रमणमुक्त गर्भवती महिलाको गर्भावस्था, प्रसव र त्यसपछिको १२ महिनालाई ध्यानमा राखिने एनआईएचले बताएको छ। महिला, भ्रूण र नवजातमा संक्रमणले पार्ने असरमा अध्ययन केन्द्रित रहने संस्थाले जानकारी दिएको छ।</p>
<p>एनआईचका अनुसार प्रसवपश्चात् महिलाको एन्टिबडी परीक्षण गरिने छ। यो परीक्षणले ती महिला भाइरससँग सम्पर्कमा पुगेकी थिइन् कि थिइनन् पत्ता लाग्ने बताइएको छ।</p>
<p>(एजेन्सी)</p>
प्रतिक्रिया दिनुहोस्
.jpg)
