चितवन कारागारमा उच्च सतर्कता
<p style="text-align: justify;">चितवन। कोरोनाको सङ्क्रमण बढ्दै गएपछि कारागार कार्यालय चितवनमा उच्च सतर्कता अपनाइएको छ।</p>
<p style="text-align: justify;">क्षमताभन्दा तीनगुणा बढी कैदीबन्दी रहेको कारागारमा कोरोनाको जोखिम बढेसँगै उच्च सतर्कता अपनाइएको हो।</p>
<p style="text-align: justify;">जिल्लामा कोरोना सङ्क्रमण बढ्दै जाँदा कैदीबन्दीमा कोरोना सङ्क्रमणको जोखिम बढेकाले उच्च सावधानी अपनाइएको कार्यालयका प्रमुख कमलप्रसाद काफ्लेले बताए।</p>
<p style="text-align: justify;">सङ्क्रमण सुरु हुने समयमा नै कैदीबन्दीलाई आफन्तसँगको भेटघाटलाई पूर्ण बन्द गरिएको थियो। गत चैत महिनादेखि नै कैदीबन्दीलाई भेटघाट बन्द गरिएको छ। </p>
<p style="text-align: justify;">यस्तै कैदीबन्दीलाई पैसाबाहेक अन्य केही दिन पाइने छैन।</p>
<p style="text-align: justify;">भित्र ल्याउने सामानमा समेत सेनिटाइज गरेर मात्र पठाइने गरिएको छ।</p>
<p style="text-align: justify;">कर्मचारीलाई अत्यावश्यक कामबाहेक कार्यालय नआउन र घरमै बस्न भनिएको काफ्लेले जानकारी दिए। <em>रासस</em></p>
.jpg)
