काठमाडौंसहित भारतसँग सिमाना जोडिएका जिल्लामा धेरै संक्रमित
<p>काठमाडौं। चीनको वुहान सहरबाट विश्वभर फैलिन सुरु गरेको कोरोना भाइरसबाट संक्रमित हुनेको संख्या नेपालमा पनि दिनदिनै बढीरहेका छन्।</p>
<p>पछिल्लो समय दैनिक हजारको हाराहारीमा नयाँ संक्रमित भेटिइरहँदा देशका विभिन्न १२ जिल्लामा ५०० भन्दा बढी सक्रिय संक्रमित रहेको मन्त्रालयले जानकारी दिएको छ।</p>
<p>मन्त्रालयका प्रवक्ता प्रा.डा. जागेश्वर गौतमले काठमाडौं, ललितपुर, मोरङ, सुनसरी र धनुषामा लगायतका जिल्लामा सबैभन्दा बढी सक्रिय संक्रमित रहेको बताएका छन्।</p>
<p>यस्तै, पर्सा, बारा, महोत्तरी, रौतहट, सर्लाही, चितवन र रुपन्देहीमा समेत यतिबेला ५०० भन्दा धेरै सक्रिय संक्रमित छन्।</p>
<p>मन्त्रालयले दिएको जानकारीअनुसार हालसम्म काठमाडौंमा सबैभन्दा बढी ४ हजार ५२२ जना संक्रमित भइसकेका छन्। र, यो संक्रमण पुगेका जिल्लामध्ये सबैभन्दा धेरै हो।</p>
<p>यस्तै, ललितपुरमा ६८५, पर्सामा २ हजार ३०८, बारामा ९४६, रौतहटमा १ हजार ८५४ र सर्लाहीमा १ हजार ८११ जनालाई संक्रमण भइसकेको छ।</p>
<p>त्यसैगरी, धनुषामा १ हजार ५८४, सुनसरीमा ७२७, मोरङमा १ हजार ६२५, चितवनमा ७४१, रुपन्देहीमा १ हजार १४ र महोत्तरीमा १ हजार २७२ जना संक्रमित भएका छन्।</p>
प्रतिक्रिया दिनुहोस्
.jpg)
