काठमाडाैं महानगरका मेयरलाई कोरोना
<p>काठमाडाैं। काठमाडाैं महानगरपालिकाका मेयर विद्यासुन्दर शाक्यलाई कोरोना भाइरस संक्रमण पुष्टि भएको छ।</p>
<p>ग्राण्डी अस्पतालमा पीसीआर परीक्षण गराउँदा नतिजा पोजिटिभ आएको महानगरका कोभिड १९ फोकल पर्सन ज्ञान बहादुर ओलीले जानकारी दिए।</p>
<p>तर, उनको श्रीमतीको भने रिपोर्ट नेगेटिभ आएको छ। अहिले उनी होम आइसोलेनमा बसेका छन्।</p>
<p>महानगरका ५ जना कर्मचारी पनि कोरोना संक्रमित छन्। नगर प्रहरी र सरसफाईका कर्मचारीमा कोरोना संक्रमण देखिएको थियो।</p>
<p>जनस्वास्थ्य कार्यालयका काठमाडौंका फोकल पर्सन पार्वती विष्टका अनुसार शाक्यको सचिवालयमा कार्यरत तीन जनाको पनि रिपोर्ट पोजिटिभ आएको थियो।</p>
प्रतिक्रिया दिनुहोस्
.jpg)
