कोरोना सङ्क्रमणबाट चितवनमा थप एकजनाको मृत्यु
<p style="text-align: justify;">चितवन। भरतपुर अस्पतालमा उपचाररत एक पुरुषको कोरोना सङ्क्रमणबाट आज मृत्यु भएको छ।</p>
<p style="text-align: justify;">अस्पतालको कोभिड-१९ क्लिनिकल टिमका संयोजक डा. प्रमोद पौडेलका अनुसार भरतपुर महानगरपालिका-६ का ७८ वर्षीय वृद्धको कोरोना सङ्क्रमणका कारण मृत्यु भएको हो। </p>
<p style="text-align: justify;">भदौ २ गते कोरोना सङ्क्रमण पुष्टि भएका उनलाई सास फेर्न समस्या भएपछि ६ गते उपचारका लागि भरतपुर अस्पतालको कोभिड सघन उपचार कक्षमा भर्ना गरिएको थियो।</p>
<p style="text-align: justify;">उनको आज बिहान ७ः२० मा मृत्यु भएको पौडेलले जानकारी दिए।</p>
<p style="text-align: justify;">योसँगै कोरोनाका कारण चितवनमा १३ जनाको मृत्यु भइसकेको छ।</p>
<p style="text-align: justify;">मृत्यु हुनेमा चितवनका ६ जना रहेका छन्। तीमध्ये एकजनाको घरमै मृत्यु भएको हो भने अन्यको अस्पतालमा मृत्यु भएको थियो।</p>
<p style="text-align: justify;">यस्तै मकवानपुरका तीन, कैलाली, गोरखा, बारा र सुस्ता पूर्व नवलपरासीका एक/एक जना रहेका छन्। <em>रासस</em></p>
.jpg)
