विदेशका ३२ हजार ५ सय ११ नेपाली कोरोना संक्रमणबाट मुक्त
<p>काठमाडौं। विश्वव्यापी महामारी कोरोना भाइरस (कोभिड १९) संक्रमणबाट विदेशमा गत साता थप ३ जना नेपालीको मृत्यु भएको छ। गत साता बेलायतमा १ जना र युएईमा २ जनाको मृत्यु भएको हो।</p>
<p>गैरआवासीय नेपाली संघ अन्तर्गतको स्वास्थ्य समितिका अनुसार शनिबार साँझसम्म नेपाल बाहेक १६ देशमा १९५ जना नेपालीहरूको मृत्यु भएको छ।</p>
<p>स्वास्थ्य समितिका संयोजक डा. संजीव सापकोटाका अनुसार साउथ अफ्रिका, पोर्चुगल, स्पेन, कतार साउदी अरब लगायतका देशमा कोरोना संक्रमण सामान्य वृद्धि भएको छ।</p>
<p>अष्ट्रेलिया र युरोपका केही देशमा कोभिड-१९ को दोस्रो वेभ (दोस्रो लहर) सुरु भएपछि नेपाली समुदायमा संक्रमण सामान्य रुपमा बढेको हो। हालसम्म विश्वका ३८ देशमा रहेका नेपालीहरु कोरोना भाइरसबाट संक्रमित भएका छन्।</p>
<p>कोरोना भाइरसका कारण नेपालसहित बेलायत, युएई, साउदी अरब, बहराइन, कुवेत, कतार, आयरल्याण्ड, जापान, टर्की नेदरल्याण्ड, स्वीडेन, भारत, साउथ अफ्रिका लगायत १७ देशमा रहेका नेपालीहरुको ज्यान गएको छ।</p>
<p>हाल सम्म विदेशमा रहेकामध्ये ३४ हजार ७ सय १ जना नेपालीमा कोरोना संक्रमण देखिएको छ। ३२ हजार ५ सय ११ जना कोरोना संक्रमणबाट मुक्त भएको स्वास्थ्य समितिले जनाएको छ।</p>
प्रतिक्रिया दिनुहोस्
.jpg)
