धनगढीमा समुदायस्तरमा कोरोना परीक्षणको तयारी
<p style="text-align: justify;">धनगढी। धनगढी उपमहानगरपालिकाले समुदायस्तरमा कोरोना परीक्षण गर्ने तयारी गरेको छ।</p>
<p style="text-align: justify;">समुदायमा कोरोना सङ्क्रमण देखिन थालेपछि उपमहानगरपालिकाले आइतबारदेखि एउटा मापदण्ड बनाएर समुदायमा कोरोना परीक्षण गर्ने तयारी गरेको हो। </p>
<p style="text-align: justify;">नगरप्रमुख नृपबहादुर वडले भने, “सङ्क्रमितका परिवार र बढी जनसम्पर्कमा रहने व्यक्तिबाट नमूना छनौट गरी स्वाब सङ्कलन गरिनेछ।”</p>
<p style="text-align: justify;">धनगढीमा थप ५ दिन अर्थात भदौ १९ गतेसम्म निषेधाज्ञाको समय थप गरिएको यस अवधिमा समुदायस्तरमा कोरोना परीक्षण गरिने नगरप्रमुख वडले बताए।</p>
<p style="text-align: justify;">उनले भने, “विस्तारै परीक्षणको दायरा बढाउँदै लगिने छ ।”</p>
<p style="text-align: justify;">उपमहानगरमा कोरोना सङ्क्रमण पुष्टि भएकामध्ये २२ प्रतिशतभन्दा बढी स्थानीयवासी छन्।</p>
<p style="text-align: justify;">धनगढीमा ५१ जना स्थानीयवासीमा कोरोना सङ्क्रमण पुष्टि भएको उपमहानगरपालिकाले जनाएको छ। <em>रासस</em></p>
.jpg)
