चितवनमा रगत संकलनका लागि घुम्ती बस सञ्चालनको तयारी
<p>काठमाडौं। कोरोना महामारी र निषेधाज्ञाका कारण रक्तदान कम भइरहेको बेला गैरआवासीय नेपाली संघले चितवनमा घुम्ती रक्तदान सेवा शुरू गर्ने भएको छ। </p>
<p>नेपाल रेडक्रस सोसाइटी चितवनसँग सहकार्य गरी रगत संकलन गर्न 'घुम्ती रगत बस परियोजना' संचालन गर्न लागिएको संघले जनाएको छ। </p>
<p>यस परियोजनाको लागि स्वास्थ्य सामाग्री सहितको बस बनाउनको लागि सम्झौता भइसकेको जनाउँदै यही अक्टोबरमा क्षेत्रीय रक्तसंचार सेवा भरतपुरलाई हस्तान्तरण गर्ने संघले बताएको छ। </p>
<p>अध्यक्ष कुमार पन्तको नेतृत्व तथा सचिव गौरीराज जोशीको संयोजकत्वमा रहेको यस परियोजनामा सबै गैरआवासीय नेपालीहरुलाई सहयोग गरिदिन अनुरोधसमेत गरिएको छ। </p>
<p>हाल रगतको माग बढे पनि आपूर्ति बढेको छैन। चितवनमा रगतको अभाव हुँदा काठमाडौं आउनुपर्नेसमेत बाध्यता रहेको छ। </p>
प्रतिक्रिया दिनुहोस्
.jpg)
