भारतमा एकै दिन हालसम्मकै धेरै संक्रमित
<p>काठमाडौं। छिमेकी मुलुक भारतमा कोरोना भाइरसको संक्रमणले भयावह रूप लिँदै गएको छ। अस्तिभन्दा हिजो र हिजो भन्दा आज गरी संक्रमितको संख्या बढ्ने क्रममा छ।</p>
<p>यसैक्रममा पछिल्लो २४ घण्टामा ७६ हजार ८२६ जना नयाँ कोरोना संक्रमित थपिएको वर्ल्डोमिटरको तथ्याङ्कले देखाएको छ।</p>
<p>बुधबार ७५ हजार ९९५ जनामा कोरोना भाइरस देखिएको थियो भने १ हजार १७ जनाले ज्यान गुमाएका थिए। तर, गत २४ घण्टामा अहिलेसम्म कै सर्वाधिक धेरै जनामा संक्रमण देखिनुका साथै १ हजार ६५ जनाको मृत्यु भएको छ।</p>
<p>हालसम्म भारतमा कूल ३३ लाख ८४ हजार ५७५ जना संक्रमण पुष्टि भएको छ भने ६१ हजार ६९४ जनाको मृत्यु भइसकेको छ।</p>
<p>त्यस्तै २५ लाख ८३ हजार ६३ जना कोरोनालाई पूर्ण रूपमा पराजित गरेर निको भएका छन्।</p>
प्रतिक्रिया दिनुहोस्
.jpg)
