विश्वभर थपिए कोरोना भाइरसका २ लाख ६२ हजार ६७५ नयाँ संक्रमित
<p>काठमाडौं। विश्वभर गत २४ घण्टामा कोरोना भाइरसका २ लाख ६२ हजार ६७५ नयाँ संक्रमित थपिएका छन्।</p>
<p>जसमध्ये सबैभन्दा धेरै भारतमा ७६ हजार ८२६ जनामा कोरोना संक्रमण पुष्टि भएको वर्ल्डोमिटरको तथ्याङ्कले देखाएको छ। </p>
<p>त्यस्तै अमेरिकामा ४५ हजार ६९९, ब्राजिलमा ४२ हजार ४८९ र अर्जेन्टिनामा १० हजार १०४ जना संक्रमित थपिएका छन्।</p>
<p>हालसम्म विश्वकै सबैभन्दा धेरै अमेरिकामा ६० लाख ४६ हजार ६४ जनामा संक्रमण देखिएको छ। त्यस्तै ब्राजिलमा ३७ लाख ६४ हजार ४९३ र भारतमा ३३ लाख ८४ हजार ५७५ जनामा कोरोना भाइरस देखिएको छ।</p>
<p>त्यस्तै पछिल्लो २४ घण्टामा विश्वभर ५ हजार ८ सय ६० जनाको मृत्यु भएको छ। जसमध्ये सबैभन्दा धेरै अमेरिकामा १ हजार १२५, भारतमा १ हजार ६५ र ब्राजिलमा ९७० जना छन्।</p>
<p>योसँगै विश्वभर २ करोड ४६ लाख ५ हजार २३५ जनामा कोरोना भाइरसको संक्रमण देखिएको छ भने हालसम्म ८ लाख ३४ हजार ७७२ जनाले न्यान गुमाएका छन्।</p>
प्रतिक्रिया दिनुहोस्
.jpg)
