कोरोना भाइरसका ७०७ नयाँ संक्रमित थपिए
<p>काठमाडौं। पछिल्लो २४ घण्टामा देशभर कोरोना भाइरसका ७०७ नयाँ संक्रमित थपिएका छन्।</p>
<p>पछिल्लो २४ घण्टामा गरिएको ११ हजार ८३२ जनाको पीसीआर परीक्षणमा १९२ महिला र ५१५ जना पुरुषमा संक्रमण देखिएको स्वास्थ्य मन्त्रालयको नियमित प्रेस ब्रिफिङमा प्रवक्ता प्राडा जागेश्वर गौतमले जानकारी दिए।</p>
<p>त्यस्तै पछिल्लो २४ घण्टामा २६४ जना कोरोनाबाट निको भएर घर फर्किएका छन्। र, हालसम्म निको हुनेको संख्या १७ हजार ६६४ पुगेको छ।</p>
<p>अहिले देशभर सक्रिय संक्रमितको संख्या ११ हजार ५५५ जना रहेको र संस्थागत आइसोलेसनमा ८ हजार ८३ र होम आइसोलेसनमा ३ हजार ७७२ जना उपचाररत रहेको प्रवक्ता गौतमले जानकारी दिए।</p>
<p>नेपालमा हालसम्म २९ हजार ६४५ जनामा संक्रमण पुष्टि भएको छ।</p>
प्रतिक्रिया दिनुहोस्
.jpg)
