काठमाडौंमा १ हप्ता निषेधाज्ञा, अत्यावश्यक बाहेकका सबै सेवा बन्द
<p>काठमाडौं। काठमाडौं उपत्यकामा एक साता निषेधाज्ञा हुने भएको छ। काठमाडौं उपत्यकाका तीनै जिल्लाका प्रमुख जिल्ला अधिकारी र सुरक्षा संयन्त्रबीच आज बसेको बैठकले यस्तो निर्णय गरेको हो।</p>
<p>"भोलि बुधबार राति १२ बजेदेखि लागू हुनगरी निषेधाज्ञा जारी गर्ने निर्णय भएको छ," काठमाडौं प्रहरी प्रमुख एसएसपी श्यामलाल ज्ञवालीले देखापढीसँग भने, "यो अवधीमा सम्पूर्ण यातायातका साधन पनि चल्न पाउने छैनन्।"</p>
<p>खाद्यान्न ढुवानी, स्वास्थ्य सेवा र सुरक्षा जस्ता सेवा सञ्चालनमा रोक नलगाइने उनले बताए। भदौं १० गतेसम्म लागू हुने निषेधाज्ञामा अत्यावश्यकबाहेकका सबै सेवा बन्द हुनेछन्।</p>
<p>सरकारले निषेधाज्ञाबारे निर्णय गर्ने अधिकारी प्रमुख जिल्ला अधिकारीहरूलााई दिएको छ। सोही आधारमा उपत्यकाका तिनै जिल्लाका सिडिओहरू कोरोना नियन्त्रणका लागि यस्तो निर्णयमा पुगेका हुन्। </p>
<p>आज मात्र उपत्यकामा २०५ जना कोरोना संक्रमित थपिएका थिए।</p>
प्रतिक्रिया दिनुहोस्
.jpg)
