ग्लोबल आईएमई बैंक धनगढीका कर्मचारीमा कोरोना संक्रमण पुष्टि, बैंक दुई दिनका लागि बन्द
<p style="text-align: justify;">कैलाली। धनगढीमा रहेको ग्लोबल आईएमई बैंकका कर्मचारीमा कोरोना संक्रमण पुष्टि भएको छ।</p>
<p style="text-align: justify;">सेती प्रादेशिक अस्पतालमा सोमबार भएको परीक्षणमा धनगढी उप-महानगरपालिकाको चौराहानजिकै रहेको ग्लोबल आईएमई बैंकका एक कर्मचारीमा संक्रमण देखिएको हो।</p>
<p style="text-align: justify;">बैंकमा कार्यरत २६ वर्षीय युवकमा संक्रमण देखिएको हो। ती युवक धनगढी उप-महानगरपालिका-४ मा डेरा गरी बस्दै आएका छन्।</p>
<p style="text-align: justify;">बैंकका व्यवस्थापक शम्भु जोशीले कर्मचारीमा संक्रमण देखिएको बताउँदै अन्य सबै कर्मचारीको समेत परीक्षण गरिने बताए।</p>
<p style="text-align: justify;">उनले सुरुमा तीनजना कर्मचारीको स्वाब दिएकोमा एकजनामा कोरोना देखिएको बताउँदै अब सबै कर्मचारीको काेभिड-१९ जाँच गरिने बताए।</p>
<p style="text-align: justify;">कर्मचारीमा संक्रमण देखिएपछि दुई दिनका लागि बैंक बन्द गर्ने निर्णय भएको क्षेत्रीय प्रबन्धक मुकुन्द भट्टले बताए।</p>
<p style="text-align: justify;">उनले सम्पूर्ण कर्मचारीको पीसीआर जाँचपछि बैंक सेनिटाइज गरेर मात्रै सञ्चालन गरिने बताए।</p>
.jpg)
