विश्वभर कोरोनाबाट ज्यान गुमाउनेको सङ्ख्या साढे ७ लाख नाघ्यो
<p>काठमाडौं। कोरोना भाइरसका कारण विश्वभर ज्यान गुमाउनेको संख्या ७ लाख ५२ हजार ७०८ पुगेको छ। वर्ल्डोमिटरको तथ्याङ्कअनुसार विश्वभरका २ करोड १० लाख ६८ हजार ८ सय संक्रमितमध्ये साढे सात लाखको मृत्यु भएको छ। </p>
<p>त्यस्तै, हालसम्म १ करोड ३८ लाख ९५ हजार ४५६ जना पूर्ण रूपमा निको भएका छन्। </p>
<p>अमेरिकामा हालसम्म कै सर्वाधिक १ लाख ७० हजार ३६० जनाको मृत्यु भएको छ। त्यस्तै दोस्रो स्थानको ब्राजिलका १ लाख ५ हजार ५६४ जनाले कोरोनाकै कारण ज्यान गुमाएका छन्। </p>
<p>तेस्रो सर्वाधिक मृत्यु हुने छिमेकी देश भारतमा हालसम्म ४८ हजार १४४ जनाको कोरोना भाइरसले ज्यान लिएको छ। </p>
<p>अमेरिकामा देखिएका ५४ लाख १४ हजार ४४३ जना संक्रमितमध्ये २८ लाख ३ हजार २९० जना निको भएका छन्।</p>
<p>त्यस्तै ब्राजिलमा हालसम्म ३२ लाख २९ हजार ६२१ जनामा संक्रमण पुष्टि भएको छ भने २ लाख ५६ हजार ६४० निको भएका छन्।</p>
<p>२४ लाख ५९ हजार ६१३ जना भारतीय संक्रमितमध्ये १७ लाख ५० हजार निको भएका छन्।<br />
</p>
प्रतिक्रिया दिनुहोस्
.jpg)
