कोरोना संक्रमणबाट थप ४ जनाको मृत्यु, ज्यान गुमाउनेको संख्या ९५ पुग्यो
<p>काठमाडौं। कोरोना भाइरसका कारण नेपालमा मृत्यु हुनेको संख्या ९५ पुगेको छ।</p>
<p>स्वास्थ्य मन्त्रालयले दिएको जानकारीअनुसार महोत्तरी मटिहानीका ४५ वर्षीय एक पुरुषको रामजानकी अस्पतालमा उपचारका क्रममा मृत्यु भएको छ। उनी मधुमेह तथा क्षयरोगका बिरामी थिए।</p>
<p>त्यस्तै, धनुषाको ढल्केबरका ८५ वर्षीय महिलाको विपी कोइराला स्वास्थ्य विज्ञान प्रतिष्ठान धरानमा उपचारका क्रममा मृत्यु भएको छ। </p>
<p>अछामको रामारोशन गाउँपालिका १८ वर्षीय पुरुषको पाटन अस्पताल ललितपुरमा मृत्यु भएको स्वास्थ्य मन्त्रालयका प्रवक्ता प्राडा जागेश्वर गौतमले जानकारी दिए। उनी मुटुरोगका रोगी थिए।</p>
<p>मोरङको विराटनगरका ५७ वर्षीय पुरुषको कोशी अञ्चल अस्पतालमा उपचारका क्रममा मृत्यु भएको छ। उनी मधुमेह तथा उच्चरक्तचापको बिरामी थिए।</p>
<p>हालसम्म देशभर ९५ जनाले कोरोनाका कारण ज्यान गुमाएका छन्। प्रदेश नं. २ मा २८ पुरुष र ११ महिला गरी सबैभन्दा धेरै ३९ जनाको मृत्यु भएको छ।</p>
<p>त्यस्तै, प्रदेश १ मा ८ जना पुरुष, बाग्मति प्रदेशमा १३ पुरुष र ५ महिला गरी १८ जनाको मृत्यु भएको छ। गण्डकी प्रदेशमा ६ जना पुरुष, प्रदेश नं ५ मा ९ पुरुष र ३ महिलाको कोरोना भाइरस कै कारण ज्यान गएको छ।</p>
<p>त्यस्तै कर्णाली प्रदेशमा ४ जना पुरुष र सुदूरपश्चिम प्रदेशका ५ पुरुष र ३ महिला गरी जम्मा ८ जनाको मृत्यु भएको छ।</p>
<p>देशभरको तथ्याङ्क हेर्दा ७३ पुरुष र २२ जना महिलाको कोरोना भाइरसका कारण मृत्यु भएको छ।</p>
प्रतिक्रिया दिनुहोस्
.jpg)
