कोरोनाबाट थप ४ जनाको मृत्यु
<p>काठमाडौं। कोरोना भाइरसका कारण पछिल्लो २४ घण्टामा देशभर ४ जनाको मृत्यु भएको छ। </p>
<p>स्वास्थ्य तथा जनसंख्या मन्त्रालयको नियमित प्रेस ब्रिफिङमा प्रवक्ता प्राडा जागेश्वर गौतमले पछिल्लो २४ घण्टामा ४ जनाको मृत्यु र ६३८ नयाँ संक्रमित भेटिएको जानकारी दिए।</p>
<p>“धनुषाका एक ६० वर्षीया वृद्ध र ५० वर्षीय पुरुषको प्रादेशिक अस्पताल जनकपुरमा उपचारका क्रममा मृत्यु भएको छ,” उनले भने, “त्यस्तै, काभ्रेको पाँचखाल निवासी ५० वर्षीया महिलाको इस्ट मेडिकल कलेजमा मृत्यु भएको छ।”</p>
<p>त्यस्तै, सिन्धुपाल्चोक जिल्लाको बाह्रबिसेका ८४ वर्षीया एक पुरुषको मनमोहन कार्डियोभास्कुलर तथा ट्रान्सप्लान्ट सेन्टर शिक्षण अस्पतालमा उपचारका क्रममा मृत्यु भएको छ। </p>
<p>योसँगै हालसम्म ज्यान गुमाउनेको संख्या ८३ पुगेको छ। <br />
</p>
प्रतिक्रिया दिनुहोस्
.jpg)
