२४ घण्टामा ३८० कोरोना संक्रमित थपिए, ४० डिस्चार्ज
<p>काठमाडौं। पछिल्लो २४ घण्टामा थप ३८० जना कोरोना भाइरसका संक्रमित थपिएका छन्।</p>
<p>स्वास्थ्य तथा जनसंख्या मन्त्रालयका अनुसार आठ हजार ५१५ वटा पीसीआर परीक्षणमध्ये सो संख्यामा संक्रमित थपिएका हुन्।</p>
<p>यससँगै नेपालमा कोरोना भाइरसबाट संक्रमितको संख्या २२ हजार ९७२ पुगेको छ।</p>
<p>मन्त्रालयका अनुसार देशभर सक्रिय संक्रमितको संख्या ६ हजार ५४४ रहेको छ।</p>
<p>गत २४ घण्टामा ४० जना कोरोना संक्रमित उपचारपछि निको भई घर फर्केका छन्।</p>
<p>हालसम्म निको हुनेको संख्या १६ हजार ३५३ जना पुगेको छ।</p>
प्रतिक्रिया दिनुहोस्
.jpg)
