थपिए ४६४ कोरोना संक्रमित, नेपालमा संक्रमितको संख्या २२ हजार नाघ्यो
<p>काठमाडौं। पछिल्लो २४ घण्टामा थप ४६४ जना कोरोना भाइरसका संक्रमित थपिएका छन्।</p>
<p>स्वास्थ्य तथा जनसंख्या मन्त्रालयका अनुसार सात हजार ९२६ वटा पीसीआर परीक्षणमध्ये सो संख्यामा संक्रमित थपिएका हुन्।</p>
<p>यससँगै नेपालमा कोरोना भाइरसबाट संक्रमितको संख्या २२ हजार २१४ पुगेको छ।</p>
<p>मन्त्रालयका अनुसार देशभर सक्रिय संक्रमितको संख्या ६ हजार ३३० रहेको छ।</p>
<p>गत २४ घण्टामा ४२५ जना कोरोना संक्रमित उपचारपछि निको भई घर फर्केका छन्।</p>
<p>हालसम्म निको हुनेको संख्या १५ हजार ८१४ जना पुगेको छ।</p>
प्रतिक्रिया दिनुहोस्
.jpg)
