झापाका दुई स्थानीय तहमा लकडाउन
<p>झापा। झापामा कोरोना सङ्क्रमित बढेका कारण दुईवटा स्थानीय तहले बन्दाबन्दी (लकडाउन) गरेका छन्।</p>
<p>समुदायस्तरमा कोरोना सङ्क्रमण देखिएको भन्दै अर्जुनधारा नगरपालिका र बिर्तामोड नगरपालिकाले लकडाउन गरेका हुन्।</p>
<p>अर्जुनधारा नगरपालिकाले आइतबार बिहानदेखि पाँच दिनका लागि बन्दाबन्दी गरेको छ भने बिर्तामोड नगरपालिकाले अनिश्चितकालका लागि बन्दाबन्दी गरेको हो। </p>
<p>बिर्तामोड नगरपालिकाले आज अपराह्न नगरपालिकामा पत्रकार सम्मेलनको आयोजना गर्दै आइतबार राति १२ बजेदेखि अर्काे सूचना नभएसम्मका लागि लकडाउनको घोषणा गरेको हो।</p>
<p>कोरोना परीक्षण गर्नुपूर्व बाह्रदशी र इलामका कोरोना सङ्क्रमितहरू बिर्तामोडमा खुलेआम हिँड्डुल गरेको र उनीहरूको सम्पर्कमा आएकालाई कोरोना सङ्क्रमणको उच्च जोखिम रहेकाले बिर्तामोडलाई लकडाउन गरिएको नगरपालिकाले पत्रकार सम्मेलनमा जानकारी गराएको छ। </p>
<p>कोरोना सङ्क्रमितको सम्पर्कमा आएका बिर्तामोडका ११६ जना यतिबेला होम क्वारेन्टिनमा छन्।</p>
<p>होम क्वारेन्टिनमा बस्नेहरु केही राजनीतिकर्मीहरु पनि छन्। <em>रासस</em></p>
प्रतिक्रिया दिनुहोस्
.jpg)
