गण्डकी प्रदेशमा ६ जना कोरोना संक्रमित थपिए
<p>काठमाडौं। गण्डकी प्रदेशका थप ६ जनामा कोरोना भाइरस संक्रमण पुष्‍टि भएको छ। </p>
<p>प्रदेश स्वास्थ्य निर्देशनालयका अनुसार क्षयरोग उपचार केन्द्र पोखरामा गरिएको परीक्षणमा तनहुँका एक र म्याग्दीका दुईजना साथै पोखरा स्वास्थ्य विज्ञान प्रतिष्‍ठानमा गरिएको परीक्षणमा कास्कीका तीनजनामा कोभिड-१९ पोजिटिभ देखिएको हो। </p>
<p>२९ देखि ४९ वर्ष उमेर समूहका नयाँ संक्रमितहरूमध्ये एकजना महिला छिन्। उनीहरूलाई उपचारका लागि सम्बन्धित जिल्लाको आइसोलेसनमा लैजाने तयारी भइरहेको छ। </p>
<p>निर्देशक डा. विनोदविन्दु शर्माको हस्ताक्षरमा केही बेरअघि जारी विज्ञप्ति अनुसार प्रदेशभर कूल संक्रमित एक हजार ४८५ पुगेका छन्।</p>
<p>तीमध्ये एक हजार २४३ जना संक्रमणमुक्त भएर घर फर्किएका छन्। </p>
प्रतिक्रिया दिनुहोस्
.jpg)
