बाँकेमा आइतबार रातिदेखि निषेधाज्ञा
<p>काठमाडाै‌। जिल्ला प्रशासन कार्यालय बाँकेले आइतबारदेखि तीन दिनका लागि जिल्लाभर पूर्णरुपमा निषेधाज्ञा जारी गर्ने तयारी गरेको छ।</p>
<p>समुदायस्तरमा कोरोना सङ्क्रमणको जोखिम अत्यधिक बढेसँगै प्रशासनले निषेधाज्ञा जारी गर्ने निर्णय गरेको प्रमुख जिल्ला अधिकारी रामबहादुर कुरूम्वाङले जानकारी दिए। </p>
<p>नेपालगञ्जमा समुदायस्तरमा गरिएको कोरोना परीक्षणमा कर्मचारीसहित २७ जनामा सङ्क्रमण देखिएपछि आइतबार राति १२ बजेपछि निषेधाज्ञा जारी गर्ने तयारी गरिएको हो।</p>
<p>गत आइतबार कन्टयाक्ट ट्रेसिङ गरी आन्तरिक राजश्‍व कार्यालय नेपालगञ्जबाट ६८, त्रिभुवनचोकको मिठाइ पसल आसपासबाट १ सय १५ र यातायात व्यवस्था कार्यालय क्षेत्रबाट सङ्कलन गरिएको २८ स्वाब परीक्षण गरिएको थियो।</p>
<p>सो परीक्षणका क्रममा आन्तरिक राजश्व कार्यालय नेपालगञ्जका थप ११ कर्मचारीसहित नेपालगञ्जका २७ जनामा आज सङ्क्रमण देखिएको छ।</p>
<p> </p>
<p>रासस</p>
प्रतिक्रिया दिनुहोस्
.jpg)
