कोरोना प्रभावित फुटबल खेलाडीलाई राहत
<p>बागलुङ। कोरोनाका कारण प्रतियोगिता गुमेपछि आर्थिक समस्यामा परेका फुटबल खेलाडीलाई राहत रकम बाँडिएको छ।</p>
<p>अखिल नेपाल फुटबल सङ्‍घको सहयोगमा जिल्ला फुटबल सङ्‍घ बागलुङले १५ व्यावसायिक खेलाडी र चार जना अफिसियललाई चार हजार रुपैयाँका दरले बुधबार राहत प्रदान गरेको हो।</p>
<p>राहत रकम वितरण गर्दै गण्डकी प्रदेशसभा सदस्य इन्द्रलाल सापकोटाले खेलकुद क्षेत्र समृद्धि र प्रगतिको आधार भएको बताए। उनले सङ्‍कटका बेला खेलाडीलाई सघाएकामा फुटबल सङ्‍घको प्रशंसा गरे।</p>
<p>जिल्ला लिगसहित ए, बी र सी डिभिजन लिग खेलेका खेलाडीलाई मात्र राहत दिइएको सङ्‍घका जिल्ला अध्यक्ष रामराज गुरुङले बताए।</p>
<p>खेलाडी र अफिसियलाई गरी ७६ हजार रुपैयाँ राहतमा खर्च भएको उनको भनाइ छ। राहत रकमको चेक बुझेपछि खेलाडीले खुशी व्यक्त गरेका थिए। <em>रासस</em></p>
प्रतिक्रिया दिनुहोस्
.jpg)
