गण्डकीका चार जिल्लामा कोरोनाका १२ संक्रमित थपिए
<p style="text-align: justify;">काठमाडौं। गण्डकी प्रदेशका थप १२ जनामा कोरोना भाइरस संक्रमण पुष्‍टि भएको छ। </p>
<p style="text-align: justify;">प्रदेश स्वास्थ्‍य निर्देशनालयका अनुसार स्याङ्जा र लम्जुङमा एक/एक जना, तनहुँमा दुईजना र कास्कीमा आठजना संक्रमित फेला परेका छन्। </p>
<p style="text-align: justify;">क्षयरोग उपचार केन्द्र पोखरा र पोखरा स्वास्थ्य विज्ञान प्रतिष्ठानमा गरिएको परीक्षणमा उनीहरूमा कोभिड-१९ पोजिटिभ देखिएको हो। </p>
<p style="text-align: justify;">नयाँ संक्रमितहरू २१ देखि ६० वर्ष उमेर समूहका छन्। उनीहरूमध्ये दुईजना महिला छन्। </p>
<p style="text-align: justify;">उनीहरूलाई सम्बन्धित जिल्लाको आइसोलेसन कक्षमा लैजाने तयारी भइरहेको छ। </p>
<p style="text-align: justify;">गण्डकी प्रदेशमा हालसम्म कूल संक्रमित एक हजार ३१७ पुगेको छ। </p>
<p style="text-align: justify;">हाल प्रदेशभरका क्वारेन्टाइनमा एक हजार ८२४ जना बसेका छन्। </p>
.jpg)
