Health and Lifestyle

गृहपृष्ठ

अब छिट्टै पाइने छ कोरोना भ्याक्सिन, १४० कम्पनी सक्रिय काठमाडौं। कोरोना भाइरस संक्रमण रोक्नका लागि संसारभरमा भ्याक्सिन निर्माणको प्रयास भइरहेको छ। अहिले यसरी भ्याक्सिनको खोजी गर्ने कार्यमा १४० वटा संस्था सक्रिय भएका छन्। विश्व स्वास्थ्य सङ्गठन (डब्ल्यूएचओ) का अनुसार कतिपय भ्याक्सिनको अब दोस्रो फेजको परीक्षणसमेत सकिएर अघि बढिसकेको छ। अक्सफोर्ड युनिभर्सिटी, मोडर्ना, एस्ट्रा-जेनेका, क्यानसिनो, साइनोफार्मसमेत आधा दर्जन भ्याक्सिन एडभान्स स्टेजमा पुगिसकेको छ। छिमेकी भारतमा पनि दुई वटा भ्याक्सिन मानव परीक्षण चरणमा पुगेको छ। यसैबीच आठ वटा देशले गरिरहेको भ्याक्सिन निर्माणले सफलता पाएमा त्यो पूरै संसारमा उपलब्ध हुने बताइएको छ।  क्यानडाका प्रधानमन्त्री जस्ठिन ट्रुडोले ट्विट गर्दै भनेका छन्, ‘‘जब हामी भ्याक्सिन प्राप्त गर्नेछौं, त्यो सबैले पाउने सुनिश्चितता गर्नुपर्छ।’’  अर्कोतर्फ, बेलायत, क्यानडा र अमेरिकाले रुसमाथि भ्याक्सिनको ट्रायल डाटा ह्याक गरेको आरोप लगाएका छन्। डाटा चोरीको आरोपलाई रुसले इन्कार गरेको छ। भ्याक्सिन निर्माणमा डाटाको कुनै सरोकार नै नरहेको उसको भनाइ छ। <blockquote> अमेरिकी फर्मा कम्पनी मोडर्नाले परीक्षणको पहिलो फेजमा सफलता पाएको छ। यो चरणमा भोलिन्टियर्सको इम्युन रेस्पोन्स बढेको देखिएको हो। कम्पनीले आगामी वर्ष २०२१ मा भ्याक्सिनको एक अर्ब डोज तयार गर्ने लक्ष्य लिएको छ।  </blockquote> अक्सफोर्ड युनिभर्सिटीका अनुसन्धाताका अनुसार त्यहाँ निर्माण गर्दै गरिएको भ्याक्सिनले दोहोरो सुरक्षा प्रदान गर्नेछ। भोलिन्टियर्सको ब्लड स्पाम्पलबाट थाहा हुनेछ कि, उसको शरीरमा एन्टिबडिज मात्र बनेको होइन, सेल्स पनि बनेको छ।  अध्ययनले के देखाएको छ भने, एन्टिबडिज केही महिनामा सकिन्छ तर सेल्स वर्षौंसम्म क्रियाशील रहन्छ। यसबारे थप जानकारी आगामी सोमबार हुने बताइएको छ। उक्त दिन ‘दि लेन्सेट’ मा भ्याक्सिनको मानव परीक्षणको सुरुआती डाटा प्रकाशित हुनेछ। नेसनल इन्स्टिच्युट फर रिसर्च इन ट्युबरक्युलोसिसले टीबी भ्याक्सिनको कोरोना सङ्क्रमितमा परीक्षण शुरू गरेको छ। यो भ्याक्सिन कोरोना हटस्पटस्मा ज्येष्ठ नागरिकमा प्रयोग गरिने छ।  कतिपय अध्ययनले के पत्ता लगाएको छ भने, ८० वर्ष पुरानो यो भ्याक्सिनले टीबीबाट मात्र बचाउँदैन, श्&zwj;वासप्रश्&zwj;वाससम्बन्धी अन्य रोगबाट समेत जोगाउँछ। अध्ययनका क्रममा कोरोनामाथि पनि यसको परीक्षण गरिने छ। अमेरिकी फर्मा कम्पनी मोडर्नाले परीक्षणको पहिलो फेजमा सफलता पाएको छ। यो चरणमा भोलिन्टियर्सको इम्युन रेस्पोन्स बढेको देखिएको हो। कम्पनीले आगामी वर्ष २०२१ मा भ्याक्सिनको एक अर्ब डोज तयार गर्ने लक्ष्य लिएको छ।  मोडर्नाले पहिलोपटक भ्याक्सिनको मानव परीक्षण गरेको थियो। कम्पनीले पहिलो चरण परीक्षण १६ मार्चमा गरेको थियो भने २७ जुलाईदेखि तेस्रो चरण शुरू गर्नेछ। संसारकै धनीमध्येका एक व्यक्ति माइक्रोसफ्टका संस्थापक बिल गेट्सले भ्याक्सिन निर्माणमा भारतको विश्वास गरेका छन्। भारतीय फर्मास्युटिकल्स कम्पनीहरू निकै क्षमतावान् भएकाले तिनले संसारभरका मानिसका लागि भ्याक्सिन बनाउन सक्ने उनको विश्वास रहेको छ। फिजर-बायोटेकको ‘एमआरएनए’ भ्याक्सिनले पनि तेस्रो फेजको परीक्षण पार गरिसकेको छ। चिनियाँ कम्पनी सिनोभाच बायोटेकको इन्एक्टिभेटेड भ्याक्सिन ‘कोरोनाभ्याक’ को परीक्षणको तेस्रो चरण जारी छ। (एजेन्सी)

प्रतिक्रिया दिनुहोस्