अफगानिस्तानका ७० प्रतिशत सांसदलाई कोरोना
<p style="text-align: justify;">काठमाडौं। दक्षिण एशियाली मुलुक अफगानिस्तानका ६० देखि ७० प्रतिशत सांसद कोरोना भाइरस सङ्क्रमित रहेको पाइएको छ। </p>
<p style="text-align: justify;">तीमध्ये केही सांसद भने उपचारपछि निको भएका छन्। टोलो संवाद समितिले शनिबार यो तथ्य सार्वजनिक गरेको हो।</p>
<p style="text-align: justify;">अफगानिस्तानको हेरात प्रान्तका सांसद सिमिन बरकजईका अनुसार देशका थुप्रै नेता भाइरसको चेपटामा परेका र कतिपयलाई निको भएको जानकारी दिए। </p>
<p style="text-align: justify;">‘‘अझै पनि केही सांसद क्वारेन्टिनमा छन्,’’ उनले भने, ‘‘मलाई विश्वास छ, क्वारेन्टाइनमा रहेका नेताहरु चाँडै ठीक हुने छन् र संसद्मा आउने छन्।’’</p>
<p style="text-align: justify;">चीनको वुहानबाट गत वर्षको अन्त्यदेखि फैलन शुरू भएको कोरोना भाइरसबाट संसारका सबै देश प्रभावित हुन पुगेका छन्। </p>
<p style="text-align: justify;">अफगानिस्तानमा अहिलेसम्म ३४ हजार तीन सय ६६ जना सङ्क्रमित भएका छन् भने यो महामारीबाट ९४९ को मृत्यु भएको छ।</p>
.jpg)
