नेपाल एयरलाइन्सको चालक दलका सात जनामा कोरोना पुष्टि, पर्यटनमन्त्रीले गरे स्वास्थ्यलाभको कामना
<p style="text-align: justify;"><strong>काठमाडौं।</strong> संस्कृति, पर्यटन तथा नागरिक उडड्यनमन्त्री योगेश भट्टराईले नेपाल बायुसेवा निगम (नेपाल एयरलाइन्स)का चालक दलका सदस्यहरूको शीघ्र स्वास्थ्यलाभको कामना गरेका छन्।</p>
<p style="text-align: justify;">सरकारले दिएको जिम्मेवारी पूरा गर्ने क्रममा केही सदस्यमा कोरोना भाइरसको संक्रमण देखिएको भन्दै उनले दुःख व्यक्त गरेका छन्। </p>
<p style="text-align: justify;">“संकटकालीन अवस्थामा उहाँहरूले गर्नुभएको कामको उच्च प्रशंसा गर्दछु,” आज दिउँसो ट्वीटरमा मन्त्री भट्टराईले लेखेका छन्।</p>
<p style="text-align: justify;">विदेशबाट नेपाली नागरिक उद्धारमा संलग्न निगमका सात जनामा कोरोना संक्रमण देखिएको हो। आज भएको रिपोर्टअनुसार चालक दलका सात जनामा संक्रमण पुष्टि भएको निगमकी प्रवक्ता अर्चना खड्काले जानकारी दिइन्। </p>
<p style="text-align: justify;">संक्रमित पुष्टि भएकाहरू विदेशबाट नेपालीलाई ल्याउन गरिएको उद्धार उडानमा संलग्न चालक दलका सदस्य हुन्। निगमले उनीहरूलाई सोल्टी होटलमा बनाइएको क्वारेन्टाइनमा राखेको छ।</p>
<blockquote class="twitter-tweet">
<p dir="ltr" lang="ne">नेपाल सरकारले दिएको जिम्मेवारी पुरा गर्नेक्रममा नेपाल बायुसेवा निगमका ( NAC) चालक दलका केहि सदस्यमा Corona Possitive देखिएकोमा दु:ख लागेको छ । सँकटकालीन अवस्थामा वहाँहरुले गर्नु भएको कामको उच्च प्रशंसा गर्दछु । वहाँहरुको सिघ्र स्वास्थ्यलाभको कामना गर्दछु ।</p>
— Yogesh Bhattarai (@yogesbhattarai) <a href="https://twitter.com/yogesbhattarai/status/1280069426608345088?ref_src=twsrc%5Etfw">July 6, 2020</a></blockquote>
<p> </p>
प्रतिक्रिया दिनुहोस्
.jpg)
